काठमाडाैं, माघ ६ ।
जारी गरेकाे इङ्गलिस प्रिमियर लिगअन्तर्गत गएराति भएकाे खेलमा लिभरपुलले म्यानचेस्टर युनाइटेडलाई पराजित गरेको छ । खेलमा लिभरपुलले युनाइटेडलाई २ विरुद्ध शून्य गोल अन्तरले पराजित गरेको हो ।

लिभरपुललाई जिताउन भिर्गिल भान डिक र मोहमद सलाहले एक–एक गोल गरेका थिए । भान डिकले खेलको १४ औँ मिनेटमा गोल गरेका थिए भने सलाहले खेलको अन्तिम मिनेट अर्थात् ९३ औँ मिनेटमा गोल गरेका थिए ।

यो जितसँगै लिभरपुल प्रिमियर लिगको यस सिजनमा अपराजित रहेको छ । २२ खेलमा २१ जित र एक बराबरीसहित लिभरपुल ६४ अंक प्राप्त गर्दै शीर्ष स्थानमा उक्लिएकाे छ । लिभरपुलले दोश्राे स्थानमा रहेको म्यानचेस्टर सिटीभन्दा १६ अंकले अगाडि रहेको छ ।

त्यसैगरी, म्यानचेस्टर युनाइटेडको भने २३ खेलमा ३४ अंकसहित लिगकाे पाँचौ स्थानमा रहेको छ ।