काठमाडाैं, माघ २९ ।
काठमाडाैंकाे कीर्तिपुरमा आज भएकाे क्रिकेट खेलमा नेपालसँग अमेरिका पराजित हुन पुगेकाे छ । नेपालले अमेरिकालाई आजकाे खेलमा ८ विकेटले पराजित गरेको छ । आईसीसी मेन्स क्रिकेट विश्वकप लिग २ मा अमेरिकाले नेपाललाई ३६ रनको झिनो लक्ष्य दिएको थियो । जवाफी ब्याटिङमा उत्रिएको नेपालले ५ दशमलव २ ओभरमा लक्ष्य भेट्टाएको हो ।

साेही क्रममा नेपालले २ विकेट गुमाएको थियो । पारस खड्का र दीपेन्द्रसिंह ऐरीले नटआउट २० र १५ रनको योगदान दिएका थिए । ज्ञानेन्द्र मल्ल १ रन बनाएर आउट भएका थिए । सुवास खकुरेल रनै नबनाई आउट हुन पुगेकाे थियाे । अमेरिकाका नोसथस केन्जिगले २ विकेट लिएका थिए । नेपालले टस जितेर पहिले फिल्डिङ रोजेपछि अमेरिका १२ ओभर खेल्दै ३५ रनमा अलआउट भएको थियो ।