च्याम्पियन्स लिगमा आजबाट नकआउट चरण सुरु हुँदै

काठमाडौं, फागुन ६ ।
युरोपेली च्याम्पियन्स लिगमा आज रातिदेखि नकआउट चरणका खेलहरु सुरु हुँदैछ । नकआउट चरणमा साविक विजेता लिभरपुलले एट्लेटिको मड्रिडसँग र फ्रेन्च क्लब पेरिस सेन्ट जर्मेइन र बोरुसिया डोर्टमण्ड खेल्दैछन् ।
दुवै खेल नेपाली समयअनुसार राति पौने २ बजेपछि सुरु हुनेछ । च्याम्पियन्स लिगको फाइनल भएको मैदानमै लिभरपुलले एट्लेटिको मड्रिडसँग खेल्न लागेको हो । सन् २०१० पछि लिभरपुल र एटेलेटिको मड्रिड पहिलो पटक खेल्न लागेका हुन् ।
प्रिमियर लिगका १७ वटा खेलमा लगातार जित निकालेको लिभरपुलले प्रिमियर लिगमा २५ अङ्कको अग्रता लिइसकेको छ । एट्लेटिको मड्रिडको प्रदर्शन भने यो सिजन राम्रो हुन सकेको छैन ।
उसको प्रदर्शनमा पनि एकरुपता देखिएको छैन । ला लिगाका २४ खेल सकिँदा एट्लेटिको शीर्ष स्थानको रियल मड्रिडभन्दा १३ अङ्कले पछि छ । आज नै फ्रेन्च क्लब पेरिस सेन्ट जर्मेन पीएसजीले बोरुसिया डर्टमण्डको मैदानमा खेल्दैछ ।
प्रतिक्रिया