रुस्लान थ्री स्टार क्लब खप्तड गाेल्डकपकाे सेमिफाइनलमा

प्रकाशित मिति: १४ फाल्गुन २०७६, बुधबार १८:००


काठमाडाैं, फागुन १४ ।
जारी रहेकाे चाैथाे सुदूरपश्चिम खप्तड गाेल्डकप फुटबल प्रतियाेगिताअन्तर्गत आज धनगढी रङ्गशालामा भएकाे खेलमा रुस्लान थ्री स्टार क्लबले दोश्राे क्वाटरफाइनलमा सिमराको नव जनजागृती युवा क्लबलाई २ विरुद्ध शून्य गाेलले हराउँदै थ्री स्टार अन्तिम चारमा पुगेसँगै सेमिफाइनलमा प्रवेश गरेकाे छ ।

पहिलो हाफ गोलरहित बराबरीमा सकिएको खेलमा थ्रीस्टारले दुबै गोल दोश्राे हाफमा गरेको थियो । खेलको ८० औँ मिनेटमा सन्जोक राईले गोल गर्दै टोलीलाई अग्रता दिलाएका थिए । त्यसको एक मिनेटमा नै आशिष राईले गोल गर्दै अग्रता दोब्बर पारेका थिए ।

निशान खड्काको क्रसमा सन्जोकले हेडमार्फत गोल गरे । त्यस्तै निशानकै पासमा आशिषले पेनाल्टी बक्स भित्रबाट शक्तिशाली प्रहार गर्दै गोल गरेका थिए । खेलको म्यान अफ द म्याच थ्री स्टारका कप्तान विक्रम लामा भएका छन् ।

प्रतियोगिताको तेश्राे क्वाटरफाइनलमा भाेलि बिहीबार विभागीय डर्बीमा नेपाल पुलिस क्लब र नेपाल एपीएफ क्लबबीच प्रतिस्पर्धा हुनेछ । प्रतियोगिताको बिजेताले २१ लाख एक हजार र दोश्राे हुने टोलीले १० लाख एक हजार रुपैयाँ प्राप्त गर्नेछ ।


प्रतिक्रिया

ताजा खबर

More

पहाडी तथा हिमाली क्षेत्रमा हल्का वर्षा र हिमपातकाे सम्भावना

काठमाडाैं, चैत २३ । देशका पहाडी क्षेत्रको मौसम आंशिक रूपमा बदली रहेकाे छ । आज शनिबार कोशी,.....

पपुवा न्यू गिनीना ७.१ रेक्टर स्केलको शक्तिशाली भूकम्प

एजेन्सी, चैत २३ । पपुवा न्यू गिनीको.....

आइतबार देशभर सार्वजनिक बिदा दिने निर्णय

काठमाडौं, चैत २२ । सरकारले आइतबार.....