ललितपुर, फागुन १८ ।
महिला एवं बालबालिकाको पहलमा सुरु गरिएको गोदावरी खोला क्षेत्र साप्ताहिक सरसफाई निरन्तर अभियानको ५२ औँ हप्ताको सरसफाई आज उत्साहपूर्वक सम्पन्न भएको छ । आज विसुनडोल पुल वरीपरी स्वतःस्फुर्त रूपमा सरसफाई भएको हो । आजको यस अभियानमा जर्मनी हाम्बर्गका एनआरएन भाइस प्रेसिडेन्ट जोन लामाको समेत सहभागिता रहेको थियो । उनले आजको यस सरसफाई अभियानको लागि पञ्जा, मास्कलगायत उपलब्ध गराएका हुन् ।

सरसफाई अभियानमा अनन्त इङ्गलिस स्कूलका शिक्षक धिरज खड्का, विद्यार्थीहरू, निरा गृहिणी समाजका निरा तिमल्सिना, सामाजिक अभियन्ता चक्रबहादुर चन्दलगायत स्थानीय बासिन्दाहरूको सक्रिय सहभागिता रहेको सरसफाई अभियानका अभियन्ता रञ्जिता श्रेष्ठ खत्रीले बताएकी छन् ।