गीतकार अमरको रचनामा श्रृजित ‘तड्पिएर’को म्यूजिक भिडियो सार्वजनिक (भिडियोसहित)

प्रकाशित मिति: २१ बैशाख २०७४, बिहीबार ११:४८


काठमाडौं, बैशाख २१ ।
गीतकार, गायक एवं नेपाली साहित्य क्षेत्रमा लामो समयदेखि कलम चलाउँदै आएका सुरेन्द्र महर्जन ‘अमर’द्वारा रचित “अमर–२” एल्बममा समावेश गरिएको गीत ‘तड्पिएर’ गीतको म्यूजिक भिडियो सार्वजनिक गरिएको छ ।

जिन्दगीको यात्रामा कहिले सुख त कहिले दुःखले सबैलाई पछ्याइरहेकै हुन्छ । यो समयको नीति नै मान्दा पनि केहीँ फरक पर्दैन । त्यसैगरी, मानवको जन्म र विकासको परिवर्तनसँगै मानिस प्रेममा पर्नु पनि सामान्य हो र प्रेम बिना यो संसार पनि अधुरै छ । तर, प्रेममा परेपछि मिलन र विछोड पनि नभएका होइनन् । जब प्रेममा विछोडको स्थिति आउँछ अनि मानिस तड्पिएर जिउन बाध्य हुन्छन् ।

यस्तै भावलाई समेटेर तयार पारिएको उक्त गीतमा गायिका निता थापामगरले सुमधुर स्वर दिएकी छन् भने राज कुमारको संगीत रहेको उक्त गीतको संगीत संयोजन पुष्कर सुनुवारले गरेका छन् ।

गीतको रेकर्डिङ्ग अजय सिंह कार्कीले गरेका छन् भने गीतको मिक्सिङ्ग चन्द्र चौधरीले गरेका हुन् ।


प्रतिक्रिया

ताजा खबर

More