काठमाडाैं, चैत्र ४ ।
कोरोना भाइरस (काेभिड–१९)को संक्रमणबाट स्पेनमा एक जना फुटबल प्रशिक्षकको मृत्यु भएको छ । विश्वमा नै महामारीकाे रूपमा फैलिरहेको कोरोनाको प्रकोपबाट स्पेनमा २१ वर्षीया फुटबल प्रशिक्षक फ्रान्सिस्को गार्सियाको मृत्यु भएको हो ।

कोरोनाका कारण मृत्यु हुने उनी विश्वकै कान्छो उमेरका व्यक्ति भएको विश्वास गरिएको छ । गार्सियाले मालागा अवस्थित एट्लेटिको पोर्टाडा अल्टा क्लबको जुनियर टीमलाई प्रशिक्षण दिँदै आएका थिए ।

भाइरसको गम्भीर लक्षण देखिएपछि उनलाई अस्पतालमा लगिएको थियो । अस्पतालमा लग्ने बित्तिकै चिकित्सकले उनमा ब्लड क्यान्सर भएको पत्ता लगाएका थिए । चिकित्सकले ब्लड क्यान्सर नभएको अवस्थामा उनलाई बचाउन सकिने बताए ।

स्पेनले पछिल्लो हप्ता आपतकालीन अवस्थाको घोषणा गरेको थियो । युरोपेली देशमा स्पेन कोरोनाबाट प्रभावित दोश्राे राष्ट्रसमेत हो ।

त्यहाँ करिब आठ हजारमा कोरोनाको संक्रमण देखिएको छ । त्यस्तै दुई सय ९७ जनाको ज्यान गएको छ । मलागामा काेरोनाबाट मृत्यु हुने गार्सिया पाँचौँ व्यक्ति रहेका छन् ।