काठमाडाैं, चैत्र ९ ।
स्पेनिस क्लब रियल मड्रिडका पूर्वअध्यक्ष लोरेन्जो सान्जको कोरोना भाइरसकाे संक्रमणका कारण निधन भएको छ ।

स्पेनको एक अस्पतालमा गएराति ७६ वर्षे सान्जको निधन भएको बीबीसीले जनाएको छ । आठ दिनअघि देखि अस्वस्थ्य भएका सान्ज बिहीबार मात्र अस्पताल भर्ना भएका थिए । अस्पताल भर्ना भएपछि चेक जाँचकाे क्रममा उनलाई कोरोनाको संक्रमण देखिएको थियो ।

सान्ज सन् १९९५ देखि २००० सम्म रियल मड्रिडको अध्यक्ष रहेका थिए । उनी अध्यक्ष हुँदा रियलले दुई पटक युरोपियन कपसमेत जितेको थियो ।