ललितपुर, चैत्र २७ ।
वर्षा, सहकाल र अन्नकाे देउताकाे रूपमा परिचित काठमाडाैंकै सबैभन्दा लामाे जात्राकाे रूपमासमेत पहिचान रहेकाे ललितपुरकाे राताे मच्छिन्द्रनाथकाे आज महास्नान सम्पन्न भएकाे छ । ललितपुरकाे तःबहालमा अवस्थित देउतालाई खटमा राखेर लगनखेल पुर्‍याइएकाे थियाे ।

आज राताे मच्छिन्द्रनाथकाे महास्नानपछि ललितपुरकाे टंगलमा रहेकाे मीननाथकाे पनि स्नान गर्ने कार्य भएकाे छ ।

महास्नान गर्दा जीवित देवी कुमारीकाे पनि अनिवार्य उपस्थित हुने परम्परा रहेकाे छ । जसअनुसार कुमारी देवीकाे महास्नानमा उपस्थिति रहेकाे थियाे ।

यसैबीच, लकडाउनका कारण रथ बनाउने कार्य भने ढिला हुने भएकाे छ । यदि लकडाउन समयमै खुलेकाे अवस्थामा रथ निर्माण गरेर देउतालाई रथमै राखेर रथ जात्रा गरिने छ । यदि लकडाउन थप गरिएकाे खण्डमा भने राताे मच्छिन्द्रनाथकाे देउतालाई खटमै राखेर भए पनि जात्रा सुचारु हुने पाञेजु विनाेद बज्राचार्यले लाईभ अफ नेपाललाई जानकारी गराएका छन् ।