काठमाडौं, बैशाख २२ ।
निजी क्षेत्रको सबैभन्दा ठूलो दूरसञ्चार सेवा प्रदायक कम्पनी एनसेलले पनि चौथो पुस्ताको प्रविधि (फोरजी) सञ्चालन गर्ने अनुमति पाएको जनाएको छ ।

नेपाल दूरसञ्चार प्राधिकरणले बुधबार एनसेललाई फोरजी अनुमति दिएको थियो । नेपाल दुरसञ्चार प्राधिकरणको सञ्चालक समितिको बुधबार बसेको बैठकले एनसेललाई फोरजी सञ्चालनको अनुमति दिएको श्रोतले जानकारी दिएको छ ।

अघिल्लो साता संसदको विकास समितिले उपभोक्ता अधिकार र मुलुकमा प्रविधिको विकासलाई रोक्न नहुने भन्दै सरोकारवाला निकायलाई एनसेलको फोरजी सेवा स्वीकृत गर्न निर्देशन दिएको थियो ।

सार्वजनिक लेखा समितिले भने एलसेलको पुँजीगत लाभकर सबै नउठेको भन्दै फोरजी सेवा रोक्न निर्देशन दिएको थियो ।