ललितपुर, माघ १३ ।
ऐतिहासिक नगर ललितपुरको पाटन दरबार स्क्वायरमा यहीँ माघ १४ गते अर्थात भोलिदेखि १७ गतेसम्म कञ्चनजंघा टी स्टेट एण्ड रिसर्च सेन्टरद्वारा ‘अर्गानिक व्यापार मेला’को आयोजना गरिने भएको छ ।

उक्त व्यापार मेलामा अर्गानिक चियालगायतका वस्तुप्रति उपभोक्तालाई जागरुक र सचेतना जगाउने उद्देश्यसहित करिब ५० वटाभन्दा बढी अर्गानिक स्टलहरू राखिने भएको छ ।

मेलामा आगन्तुकहरूले नेपाल अधिराज्यभरीका अर्गानिक चिया, कफी, भेजिटेवल्स, जुस, अर्गानिक हब, मसलालगायतका वस्तुहरूको भ्रमण गर्न सकिने आयोजकले जनाएको छ ।

अर्गानिक एग्रो फेयर २०७३ द्वारा एक पत्रकार सम्मेलनको आयोजना गरी प्रदर्शनी बारे जानकारी गराइएको थियो । सोही सम्मेलनमार्फत प्रदर्शनीको तयारीसमेत पूरा भएको जानकारी गराएको थियो ।