काठमाडाैं, असार ३ ।
बार्यन म्युनिखले जर्मन फुटबलको शीर्ष डिभिजन लिग, बुन्डेस लिगाको उपाधि हात पार्न सफल भएकाे छ । गएराति सम्पन्न भएकाे फाइनल खेलमा बार्यन म्युनिखले वेर्डर ब्रेमेनलाई शून्यका विरुद्ध १ गोल गर्दै उपाधि हात पारेकाे हो ।

योसँगै बार्यन म्युनिख लगातार आठौँ पटक बुन्डेस लिगाको उपाधि जित्न सफल भएको हाे । बार्यनलाई गएरातिकाे खेलमा फरवार्ड रोबर्ट लेवान्डोस्कीले ४३ औँ मिनेटमा गरेको गोल जितका लागि पर्याप्त भएकाे थियो । तर अल्फोन्सो डेभिसले ७९ औँ मिनेटमा दोहोरो पहेँलो कार्ड पाएपछि बार्यन म्युनिख १० खेलाडीमा सीमित हुन पुगेकाे थियो ।

१० खेलमा सीमित रहेकाे भए पनि यसकाे फाइदा उठाउन नसक्दा पराजित हुन पुग्याे वेर्डर । जितसँगै बार्ययनले ३२ खेलमा ७६ अंक जोड्दै उपाधि रक्षा गरेको हो । ३१ खेल खेलेको डर्टमुन्ड ६६ अंकसहित दोश्राे स्थानमा रहेको छ । डर्टमुन्डको ३ खेल बाँकी भए पनि बार्यय १० अंकले अगाडि रहेकाले बार्ययलाई उपाधिका लागि कुनै अवरोध भने छैन । यस्तै पराजित भएको ब्रेमेन भने अझै पनि रेलिगेसन क्षेत्रमै उसले ३२ खेलबाट २८ अंक मात्र जोड्न सफल भएकाे छ ।