काठमाडाैं, श्रावण १४ ।
मार्सल आर्टका चर्चित खेलाडी एवं प्रशिक्षक सुनिल शाक्यले वर्ल्ड रेकर्ड प्रशंसा–पत्र प्राप्त गर्न सफल भएका छन् । अमेरिकामा रहेर मार्सल आर्ट प्रशिक्षण दिँदै आएका मास्टर सुनिलले हालै सम्पन्न द लार्जेष्ट अनलाई मास ट्यालेन्ट एक्स्जिविसन–२०२० मा मार्सल आर्टको कुङ्फु, तेक्वाण्दाे, उसु, स्वर्ड, कामस्, खुकुरी र टाइचीका प्रदर्शन खेलमा लगातार प्रदर्शन गरी वर्ल्ड रेकर्ड प्रशंसा–पत्र प्राप्त गर्न सफल भएका हुन् ।

चेसपिक मार्सल आर्ट, अमेरिकाका मुख्य प्रशिक्षक मास्टर सुनिल र उनका पुत्र स्यल्बोन शाक्यले वर्ल्ड मार्सल आर्ट इ च्याम्पियनशीप–२०२० मा सहभागिता जनाएका थिए । जसमा मास्टर सुनिलले कुङ्फु, तेक्वान्दो र ताइचीमा गरी तीन वटा स्वर्ण पदक जित्न सफल भएका थिए भने उनका पुत्र स्यल्बोनले कुङ्फुमा स्वर्ण, विपोनमा रजत र तेक्वाण्दाेमा काँश्य पदक हात पार्न सफल भएका थिए । पिता पुत्र नै सहभागी भएको डुअल फोमर्समा भने शाक्य परिवारले स्वर्ण जित्न सफल भएका थिए ।