काठमाडाैं, भाद्र १८ ।
फ्रान्सको ‘ए’ डिभिजनको फुटबल क्लब पेरिस सेन्ट जर्मेइन (पीएसजी)का तीन जना खेलाडीलाई कोरोना भाइरसको संक्रमण पुष्टि भएको छ ।

पीएसजीका नेयमार, एञ्जेल डी मारिया र लियन्द्रो परअरदेसमा सङ्क्रमण पुष्टि भएको फ्रान्सको एक रिपोर्टमा उल्लेख गरिएकाे छ ।

इबिजामा बिदा मनाएर फर्किएपछि तीन जना खेलाडीमा कोरोना संक्रमण पुष्टि भएको क्लबले जनाएको छ ।

‘तीन जना पेरिस सेन्ट जर्मेइनका खेलाडीमा कोरोना संक्रमण पुष्टि भएको छ र उनीहरूले उपर्युक्त स्वास्थ्य मापदण्डको पालना गर्नेछन् । अब सबै खेलाडी, प्रशिक्षक र सबै सदस्यको पनि कोरोना परीक्षण गरिने छ’, जारी विज्ञप्तिमा भनिएको छ ।