काठमाडाैं, भाद्र २३ ।
पीएसजीका फरवार्ड केलियन एम्बाप्पेलाई कोरोना संक्रमण पुष्टि भएको छ । नेशन्स लिगको क्रममा यूईएफएले सोमबार गरिएको परीक्षणकाे क्रममा उनको रिपोर्ट पोजेटिभ आएको हो ।

संक्रमित भएको पत्ता लागेपछि उनी टीमबाट बाहिर रहेका छन् । संक्रमण पुष्टि भएपछि फ्रान्सेली फरवार्ड एम्बाप्पे आज राति नेसन्स लिगमा क्रोएसियाविरुद्ध हुने खेल गुमाउने भएका छन् ।

उनले स्वीडेन विरुद्धको पहिलो खेलमा एक गोल गरेका थिए । गत हप्ता मात्रै नेमारसहित पीएसजीका ६ खेलाडीमा संक्रमण देखिएको थियो ।
एम्बाप्पेलाई पनि संक्रमण देखिएपछि लिग वानको सुरुवाति खेलमा समस्या हुने देखिएको छ । साविक विजेता पीएसजीले बिहीबार लिग वानको पहिलो खेलमा प्रतिस्पर्धा गर्दैछ ।