फिफा विश्वकप छनाैटअन्तर्गत नेपालले आज चाइनिज ताइपेइसँग प्रतिस्पर्धा गर्दै

प्रकाशित मिति: २० जेष्ठ २०७८, बिहीबार ०९:११


काठमाडाैं, जेठ २० ।
फिफा विश्वकप छनौटअन्तर्गत नेपालले आज चाइनिज ताइपेइसँग प्रतिस्पर्धा गर्ने भएकाे छ । कुवेत सिटीमा हुने उक्त खेल नेपाली समयानुसार राति पाैने १० बजे सुरु हुनेछ ।

ताइपेइविरुद्ध मैदान उत्रिँदा नेपाल स्पष्ट जितको खोजीमा हुनेछ । मुख्य प्रशिक्षक अब्दुल्लाह अलमुताईरीले ताइपेइविरुद्ध नेपालको लक्ष्य जित मात्र भएको बताएका छन् ।

नेपालले विश्वकप छनाैटको तेश्राे चरणमा पुग्ने मौका गुमाइसकेको छ । तर, नेपाललाई बाँकी खेलमा जित निकाल्दै एशिया छनाैटको तेश्राे चरणमा स्थान बनाउने सुनौलो अवसर रहेको छ ।

समूह ‘बी’ मा नेपाल ५ खेलबाट १ जितसहित ४ हार ब्यहोर्दै चौथो स्थानमा रहँदा ताइपेइ ५ खेलबाट अंक विहीन हुँदै तालिकाको पुछारमा रहेकाे छ ।

चाइनिज ताइपेइविरुद्धको हेड टु हेडमा भने नेपाल बलियो देखिएको छ । नेपाल र ताइपेइ अहिलेसम्म दुई पटक भिडेका छन् । पहिलो भेट बराबरमा सकिएको थियो भने दोश्राे भेटमा नेपालले २ विरुद्ध शून्य गाेलले खेल जितेको थियो ।

४ खेलबाट शत प्रतिशत जितसहित १२ अंक जोडेको अष्ट्रेलिया पहिलो स्थानमा रहेकाे छ । ५ खेलबाट समान १० अंक बनाएका कुवेत र जोर्डन गोल अन्तरका आधारमा क्रमशः दोश्राे र तेश्राे स्थानमा रहेकाे छ ।


प्रतिक्रिया

ताजा खबर

More

पहाडी तथा हिमाली क्षेत्रमा हल्का वर्षा र हिमपातकाे सम्भावना

काठमाडाैं, चैत २३ । देशका पहाडी क्षेत्रको मौसम आंशिक रूपमा बदली रहेकाे छ । आज शनिबार कोशी,.....

पपुवा न्यू गिनीना ७.१ रेक्टर स्केलको शक्तिशाली भूकम्प

एजेन्सी, चैत २३ । पपुवा न्यू गिनीको.....

आइतबार देशभर सार्वजनिक बिदा दिने निर्णय

काठमाडौं, चैत २२ । सरकारले आइतबार.....