काठमाडाैं, असाेज ३० ।
नेपाली राष्ट्रिय फुटबल टोलीका मुख्य प्रशिक्षक अब्दुल्लाह अल्मुताइरीमाथि प्रतिबन्ध लागेको छ । भारतविरुद्धको साफ च्याम्पियनशीपअन्तर्गत आज हुने फाइनल खेलमा सहभागी हुन नपाउने भएका हुन् । प्रतियोगिताको दौरानमा दुई वटा पहेँलो कार्ड पाएकाले उनीमाथि साफले फाइनल खेलमा प्रतिबन्ध लगाएको हो ।

अल्मुताइरीले आफूहरूमाथि अन्याय भएकोसमेत बताएका छन् । उनले नियमनको पालना गर्नुपर्ने पनि बताएका छन् ।

यस्तै, नेपालका फरवार्ड अञ्जन बिष्टले पनि फाइनल खेल गुमाउने भएका छन् । उनले पनि प्रतियोगिताको दौरानमा दुई वटा प्लेकार्ड पाइसकेका छन् । आज भारत र नेपालबीचकाे उपाधी भिडन्त नेपाली समयानुसार राति पाैने ८ बजे हुने भएकाे छ ।