काठमाडाैं, माघ ११ ।
जारी रहेकाे आहा रारा गाेल्डकपअन्तर्गत आज भएकाे खेलमा थ्री स्टार क्लबलाई हराउँदै नेपाल आर्मी क्लब सेमिफाइनलमा प्रवेश गर्न सफल भएकाे छ । अन्तिम क्वाटर फाइनलमा थ्री स्टार क्लबलाई १ विरुद्ध शून्य गाेल अन्तरले पराजित गर्दै आर्मीले सेमिफाइनल स्थान पक्का गरेकाे हाे ।

पोखरा रङ्गशालामा भएको आजकाे खेलमा ६९ औँ मिनेटमा आर्मीका लागि राजिव गुरुङले निर्णायक गोल गरेका हुन् ।

थ्री स्टारका डिफेन्डरको गल्तिमा जर्ज प्रिन्स कार्कीको पासमा उनले गोल गर्न सफल भएका थिए ।

माघ १३ गते हुने दोश्राे सेमिफाइनलमा आर्मीले मनाङ मर्स्याङ्दी क्लबसँग प्रतिस्पर्धा गर्नेछ ।

भोलि हुने पहिलो सेमिफाइनलमा एपीएफ र मछिन्द्र क्लबबीच प्रतिस्पर्धा हुनेछ ।

प्रतियोगिताको बिजेता टीमले रु. १० लाख १ हजार तथा उपविजेता टीमले रु. ५ लाख १ हजार नगद पुरस्कार स्वरूप प्राप्त गर्ने छ ।