काठमाडाैं, माघ १३ ।
पछिल्लाे २४ घण्टामा नेपालमा काेराेना भाइरस (काेभिड–१९) का संक्रमित ८ हजार १७ जनामा पुष्टि भएकाे छ । जसमध्ये काठमाडाैं उपत्यकामा मात्रै ३ हजार १ सय ४३ जना संक्रमित थपिएका छन् । जसमध्ये काठमाडाैं जिल्लामा २ हजार ४ सय २ जना, ललितपुर जिल्लामा ५ सय २१ र भक्तपुर जिल्लामा २ सय २० जना संक्रमित पुष्टि भएका छन् । याेसँगै उपत्यकामा मात्रै ५४ हजार ८ सय ६३ जना सक्रिय संक्रमित छन् । जसमध्ये काठमाडौं जिल्लामा ३८ हजार ८ सय ५९ जना, ललितपुर जिल्लामा १० हजार ३ सय ९० जना र भक्तपुर जिल्लामा ५ हजार ६ सय १४ जना सक्रिय संक्रमित रहेका छन् ।

स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा गरेको २१ हजार ८ सय ८ जनाको परीक्षणबाट उक्त संख्यामा संक्रमित फेला परेका हुन् ।

मन्त्रालयकाअनुसार ५ हजार ८ सय १६ पीसीआर परीक्षणमा ५ हजार ८ सय १६ जनामा र २ हजार २ सय १ एन्टिजेन परीक्षणमा २ हजार २ सय १ जनामा कोरोना पोजेटिभ देखिएको हो ।

पछिल्लो २४ घण्टामा ५ हजार २ सय ९२ जना कोरोना संक्रमित निको भएका छन् । यस्तै सोही अवधिमा कोरोना भाइरसबाट १५ जनाको मृत्यु भएको मन्त्रालयले जनाएको छ ।

स्वास्थ्य तथा जनसंख्या मन्त्रालयले आज यसबारे जानकारी दिँदै मृतकको संख्या १५ जना थपिएसँगै कूल मृतकको संख्या ११ हजार ६ सय ८७ जना पुगेको जनाएको छ । आजको तथ्यांकसँगै हाल देशभर ९० हजार ५ सय ७६ जना कोरोनाका सक्रिय संक्रमित रहेका छन् ।

याेसँगै देशभर कोरोना संक्रमितको कूल संख्या पीसीआर विधिबाट ९ लाख ३९ हजार २ सय ६७ र एन्टिजेन विधिबाट भएको परीक्षणमा १ लाख २२ हजार ८ सय ३८ जना पुगेको छ । संक्रमितमध्ये ८ लाख ३७ हजार ४ जना निको भएका छन् ।