काठमाडाैं, माघ १४ ।
कतारमा हुने विश्वकप फुटबलमा हालसम्म १४ देश छनाैट भइसकेका छन् । गएराति इरानले इराकमाथि १० को जित निकाल्दै एशियाबाट छनाैट हुने पहिलो देश बनेपछि १४ देशले कतारको टिकट निश्चित गरेका हुन् ।

आयोजकको रूपमा कतार छनाैट भइसकेको छ । युरोप र दक्षिण अमेरिकाबाट पनि केही देशहरू छनोट भइसकेका छन् ।

अफ्रिकाबाट ५, एशियाबाट ४ सिधैँ र १ ले प्ले अफ, युरोपबाट १३, उत्तर अमेरिका र क्यारेबियनबाट ३ र १ प्ले अफ, ओसेनियाबाट १ प्ले अफ र दक्षिण अमेरिकाबाट ४ सिधैँ र एक प्ले अफ गरी कूल ३२ राष्ट्र छनाैट हुने फिफाको नियम रहेकाे छ ।

अन्तर महादेशीय प्ले अफमा एशियाबाट पाचौँ हुनेले दक्षिण अमेरिकाको पाचौँ हुने टोलीसँग प्ले अफ खेल्नेछन् । दुई चरणको प्ले अफमा गोलका आधारमा छनाैट हुनेछ । उत्तर अमेरिकी महादेशको चौथो हुने देशले ओसेनियाबाट छनाैट भएर आएको टोलीसँग दुई चरणको प्ले अफ खेल्नेछन् ।

छनाैट भएका देशहरू
१. कतार
२. जर्मनी
३. डेनमार्क
४. ब्राजिल
५. फ्रान्स
६. बेल्जियम
७. क्रोएशिया
८. स्पेन
९. सर्बिया
१०. इङ्गल्याण्ड
११. स्वीटजरल्याण्ड
१२. नेदरल्याण्ड्स
१३. अर्जेन्टिना
१४. इरान