काठमाडाैं, माघ १४ ।
नेपालमा पछिल्लो २४ घण्टामा कोरोना संक्रमितको संख्या ६ हजार ८ सय २७ जनामा पुष्टि भएको छ ।

स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा १९ हजार ८ सय ६९ जनाको आरटी–पीसीआर र एन्टिजेन विधिबाट परीक्षण गर्दा ६ हजार ८ सय २७ जनामा कोरोना संक्रमण पुष्टि भएको हो ।

मन्त्रालयकाअनुसार १३ हजार ७ सय ९१ जनाको आरटी–पीसीआर विधिबाट परीक्षण गर्दा ४ हजार ८ सय ७ जना र ६ हजार ७८ जनाको एन्टिजेन विधिबाट परीक्षण गर्दा २ सय २० जनामा कोरोना संक्रमण पुष्टि भएको हो ।

योसँगै नेपालमा कोरोना भाइरस संक्रमितको कूल संख्या १० लाख ६८ हजार ९ सय ३२ पुगेको छ ।

यसैबीच, कोरोना भाइरस (कोभिड–१९)को संक्रमणबाट पछिल्लो २४ घण्टामा देशभर ५ हजार ४ सय ३२ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरूको संख्या ८ लाख ४२ हजार ४ सय ३६ पुगेको छ ।

पछिल्लो २४ घण्टामा देशभर १९ हजार ८ सय ६९ जनाको परीक्षण हुँदा हालसम्म कूल ६१ लाख ५२ हजार ८ सय ९० जनाको पीसीआर–एन्टिजेन परीक्षण भएको छ ।

यसैगरी पछिल्लो २४ घण्टामा कोरोना संक्रमणका कारण १० जनाको मृत्यु भएको छ । याेसँगै नेपालमा कोरोना संक्रमणबाट मृत्यु हुनेको संख्या ११ हजार ६ सय ९७ पुगेको छ ।

यस्तै, काठमाडौं उपत्यकामा मात्र २ हजार ९ सय ४० जना कोभिड संक्रमित थपिएका छन् । जसमा काठमाडौं जिल्लामा २ हजार १ सय ५३ जना, ललितपुर जिल्लामा ५ सय १९ जना र भक्तपुर जिल्लामा २ सय ६८ जना संक्रमित थपिएका हुन् ।

योसँगै काठमाडौं उपत्यकामा सक्रिय संक्रमितको संख्या ५४ हजार ३५ पुगेको छ ।