काठमाडाैं, माघ १५ ।
नेपालले अन्तर्राष्ट्रिय मैत्रीपूर्ण खेलमा ११ वर्षपछि जित दर्ता गर्न सफल भएको छ ।

आज काठमाडौंको त्रिपुरेश्वरस्थित दशरथ रंगशालामा अफ्रिकी राष्ट्र मरिससलाई पराजित गर्दै नेपालले अन्तर्राष्ट्रिय मैत्रीपूर्ण खेलमा जित दर्ता गर्न सफल भएको हो ।

सन् २०११ मा भुटानलाई पराजित गरेपछि नेपाल अन्तर्राष्ट्रिय मैत्रीपूर्ण खेलमा जितविहीन रहेको थियोे ।

नेपालले जितको खडेरी तोड्ने क्रममा मरिससलाई १ विरुद्ध शून्य गोलले पराजित गरेको हो ।

नेपालको जितमा विमल घर्तीमगरको गोल निर्णायक बन्न पुगेको थियो । सुमन लामाले दिएको पासमा विमलले ५५ मिनेटमा गोल गरेका हुन् ।
मरिससका गोलकिपर अगाडि बढेको फाइदा उठाउँदै विमलले उत्कृष्ट फिनिसिङ गरेका थिए ।

सन् २०१८ मा बंगलादेशविरुद्ध गोल गरेपछि विमलले पहिलो अन्तर्राष्ट्रिय गोल गरेका थिए । ४० महिनापछि  गोल गरेका विमलको यो नवौँ अन्तर्राष्ट्रिय गोलसमेत हो ।