नेपालमा पछिल्लाे २४ घण्टामा ५,२९२ जनामा संक्रमण पुष्टि, ८ काे मृत्यु

काठमाडाैं, माघ १७ ।
नेपालमा पछिल्लो २४ घण्टामा पुनः ५ हजार २ सय ९२ जनामा कोरोना भाइरस (काेभिड–१९) संक्रमित पुष्टि भएका छन् ।
स्वास्थ्य तथा जनसंख्या मन्त्रालयले दिएकाे जानकारीअनुसार पछिल्लो २४ घण्टामा गरेको १६ हजार ८८ जनाको परीक्षणबाट उक्त संख्यामा संक्रमित पुष्टि भएका हुन् ।
मन्त्रालयकाअनुसार ३ हजार ४ सय ७२ पीसीआर परीक्षणबाट र १ हजार ८ सय २० एन्टिजेन परीक्षणबाट संक्रमण पुष्टि भएको हो ।
यसैबीच, पछिल्लो २४ घण्टामा ८ हजार १ सय ९१ जना कोरोना संक्रमित निको भएका छन् । यस्तै सोही अवधिमा आज संक्रमणबाट ८ जनाले ज्यान गुमाएका छन् ।
हाल देशभर ७९ हजार २ सय ७२ जना कोरोनाका सक्रिय संक्रमितहरू रहेका छन् ।
त्यसैगरी, काठमाडौं उपत्यकामा १ हजार ७ सय २२ जना संक्रमित थपिएका छन् ।
जसमध्ये काठमाडौं जिल्लामा १ हजार ३ सय ६१ जना, ललितपुर जिल्लामा २ सय ७१ जना र भक्तपुर जिल्लामा ९० जना नयाँ संक्रमित थपिएका छन् ।
प्रतिक्रिया