शहीद स्मारक लिग : नेपाल पुलिस र च्यासल युथबीचकाे खेल बुधबार हुने

काठमाडाैं, माघ २१ ।
शहीद स्मारक ‘ए’ डिभिजन लिग फुटबलअन्तर्गत कोरोनाका कारण रोकिएको नेपाल पुलिस क्लब र च्यासल युथ क्लबबीचको खेल तालिकामा पुनः परिवर्तन गरिएको छ ।
अखिल नेपाल फुटबल संघ (एन्फा) ले माघ २२ गते शनिबारका लागि तोकेको पुलिस र च्यासलबीचको खेल माघ २६ गते बुधबार हुने जानकारी दिएको छ ।
काठमाडाैंकाे त्रिपुरेश्वरस्थित दशरथ रङ्गशाला मैदान वर्षाका कारण खराब भएपछि खेल तालिका परिवर्तन गरिएको एन्फाले जनाएको छ ।
नवौँ चरणको खेलअन्तर्गत माघ २ गते हुने खेल च्यासलका केही खेलाडीमा कोरोना संक्रमण पुष्टि भएपछि स्थगित हुन पुगेको थियो ।
अहिलेसम्म पुलिस ८ खेलमा ७ अंक जोड्दै ११औँ स्थानमा रहेको छ भने च्यासल ५ अंकका साथ १३ औँ स्थानमा रहेको छ ।
प्रतिक्रिया