काठमाडाैं, माघ २१ ।
नेपालमा पछिल्लो २४ घण्टामा थप २ हजार ५ सय २६ जनामा कोभिड–१९ संक्रमित थपिएका छन् । स्वास्थ्य तथा जनसंख्या मन्त्रालयकाअनुसार देशभर ११ हजार ७३ वटा नमुना परीक्षण गर्दा साढे २ हजार बढीमा संक्रमण पुष्टि भएको हो ।

यसैबीच, पछिल्लो २४ घण्टामा काठमाडौं उपत्यकामा मात्रै ७ सय ४५ जनामा कोरोना भाइरसको संक्रमण पुष्टि भएको छ ।

मन्त्रालयकाअनुसार काठमाडौं जिल्लामा ५ सय ७० जना, ललितपुर जिल्लामा १ सय २० जना र भक्तपुर जिल्लामा ५५ जना कोरोना संक्रमित थपिएका हुन् ।

६ हजार ६ सय ५५ नमुनाको पीसीआर टेष्ट गर्दा १ हजार ६ सय २ र ४ हजार ४ सय १८ नमुनाको एन्टिजेन टेष्ट गर्दा ९ सय २४ जनामा संक्रमण पुष्टि भएको हाे । पछिल्लो २४ घण्टामा कोरोना भाइरसको संक्रमणबाट थप १६ जनाको मृत्यु भएको छ ।

पछिल्लो २४ घण्टामा ८ हजार ४ सय २५ जना संक्रमणमुक्त भएका छन् । हाल देशभर ५६ हजार ४ सय ५७ जना सक्रिय संक्रमित रहेकाछन् । ५५ हजार ९० सक्रिय संक्रमित होम आइसोलेसनमा छन् भने १ हजार ३ सय ६७ जना संस्थागत आइसोलेसनमा छन् । जसमध्ये २ सय ४३ जनाको आईसीयू र ५१ जनाको भेन्टिलेटरमा उपचार भइरहेको मन्त्रालयले जनाएको छ ।

याेसँगै नेपालमा कोरोना संक्रमितको कूल संख्या १० लाख ९७ हजार ५ सय ८९ पुगेको छ । यस्तै मृत्‍यु हुनेको संख्या ११ हजार ७ सय ९४ पुगेको छ भने ८ लाख ९५ हजार ८ सय ६८ जना संक्रमणमुक्त भएका छन् ।