काठमाडाैं, माघ २५ ।
नेपाली राष्ट्रिय क्रिकेट टोली आज ओमान प्रस्थान गर्ने भएको छ । ।आईसीसी पुरुष टी–२० विश्वकपको ग्लोबल छनाैट खेल खेल्न नेपाली टोली त्यसतर्फ जान लागेको हो । टोली आज राति ८ बजे ओमानतर्फ प्रस्थान गर्ने कार्यक्रम रहेकाे छ ।

१८ फेब्रुअरीदेखि सुरु हुने आईसीसी पुरुष टी–२० ग्लोबल छनाैट ‘ए’ मा नेपाल, आयोजक ओमान, फिलिपिन्स, क्यानाडा, यूएई, बहराइन, आयरल्याण्ड र जर्मनी टोली रहेका छन् ।

ओमान क्रिकेट एकेडेमी ग्राउण्डमा हुने उक्त खेलमा नेपालले १८ फेब्रुअरीमा ओमानसँग प्रतिस्पर्धा गर्ने छ भने दोश्राे खेल फिलिपिन्ससँग १९ फेब्रुअरी र तेश्राे तथा अन्तिम खेल क्यानाडा र ओमानसँग २१ फेब्रुअरीमा हुने जनाइएको छ ।