काठमाडाैं, माघ २६ ।
माध्यामिक शिक्षा परीक्षा अर्थात एसईई यही बैशाख ९ गतेदेखि हुने भएको छ ।

आज बसेको राष्ट्रिय परीक्षा बोर्डको बैठकले एसईई परीक्षा बैशाख ९ गतेदेखि २० गतेसम्म सञ्चालन गर्ने निर्णय गरेको हो ।

परीक्षाको समय तालिका भने भाेलि बिहीबारको गोरखापत्र र बोर्डको वेबसाइटमा सार्वजनिक गर्ने बोर्डले जनाएको छ ।

स्थानीय चुनावको मितिसँग एसईईको तालिका नजुधोस् भनेर निर्वाचनको मिति तोकिएपछि मात्रै एसईईको समय तालिका निर्धारण गरिएको बोर्डका अध्यक्ष महाश्रम शर्माले जानकारी दिए ।

विद्यार्थीहरूलाई दुई महिना पढ्ने समय दिएर परीक्षाको समय तालिका सार्वजनिक गरेको बोर्डले जनाएको छ ।