काठमाडाैं, माघ २८ ।
चार देशीय टी-२० सिरिजको पहिलो खेलमा नेपालले विजयी सुरुवात गरेकाे छ । आज भएकाे पहिलाे खेलमा नेपालले ओमानलाई ६ विकेटले पराजित गरेको हो ।

नेपालको जितमा दिपेन्द्रसिंह ऐरीले ५३ बलमा ८ चौका र १ छक्काको मद्दतमा अविजित ७३ रन बनाएपछि १ सय ३६ रनको लक्ष्य नेपालले ३ बल अगावै पूरा गरेको हो ।

त्यस्तै, आरिफ शेखले २० बलमा २५ रन बनाएका छन् । ओपनर आरिफ शेख १४, ज्ञानेन्द्र मल्ल १३, अर्का ‌‌ओपनर प्रदीप ऐरीले ४ बनाउँदा शरद भेषवाकरले अविजित ४ रन बनाए । ओमानका लागि कल्लीमुहाले २ र खावर अलीले १ विकेट लिएका थिए ।

यसअघि, टस हारेर ब्याटिङ्गकाे निम्तो पाएको ओमानले १ सय ३५ रन बनाएको थियो । ओमानका कप्तान जिशान मकसुदले अविजित ४३ रन बनाए । मोहम्मद नदिमले ३१ रन बनाए । त्यस्तै, कश्यप प्रजापति ११, जतिन्दर सिंह १३, शोइब खान ११, आयन खान ११ र कुर्राम नवाजले ६ रन बनाए ।

नेपालका अविनाश बोहराले सर्वाधिक ३ विकेट लिएका थिए । नेपालका कप्तान सन्दीप लामिछाने, कमलसिंह ऐरी र आरिफ शेखले १/१ विकेट लिएका थिए ।