एजेन्सी, माघ १५ ।
‘एलियन’, ‘द एलिफेन्ट म्यान’ र ‘१९८४’ जस्ता चलचित्रमा अभिनय गरेर चर्चा कमाएका अभिनेता सर जोन हर्टको ७७ वर्षको उमेरमा निधन भएको छ ।

सन् २०१५ मा आफूलाई प्यान्क्रियाटिक क्यान्सर भएको सार्वजनिक गरेका उनको शुक्रबार लण्डनमा निधन भएको हो । करिब छ दशक लामो अभिनय यात्रामा उनले दुई पटक ओस्कारमा मनोनित हुनुका साथै एक गोल्डेन ग्लोब र चार बाफ्टा अवार्डबाटसमेत सम्मानित भएका थिए ।

उनले हालै अमेरिकी प्रथम महिला ज्याकलिन केनेडीको बायोपिक ‘ज्याकी’ मा अभिनय गरेका थिए भने उनका तीन वटा चलचित्र सार्वजनिक हुन बाँकी रहेको छ ।