एजेन्सी, बैशाख २९ ।
ब्राजिलमा जिका भाइरसको संक्रमण पूर्ण रूपमा निर्मूल भएको विश्व स्वास्थ्य संगठनले जनाएको छ ।

ब्राजिलमा गत बर्ष ९५ प्रतिशतको हाराहारीमा फेला परेको जिका भाइरसको संक्रमण अब पूर्णतः निर्मूल भएको बताइएको छ । ब्राजिलमा पहिलो पटक देखा परेको सो भाइरसको संक्रमण विश्वका ३० अफ्रिकी मुलुकमा फैलिएको थियो ।

लामखुट्टेबाट सर्ने जिका भाइरसको संक्रमण विशेष गरी गर्भवती महिला र नवजात शिशुहरूमा हुने गरेको थियो ।

यसअघि विश्व स्वास्थ्य संगठनले नयाँ रोगको रूपमा देखा परेको जिका भाइरस विश्वका थुप्रै मुलुकमा फैलन सक्ने भन्दै सतर्क रहन र केही बर्षका लागि बच्चा नजन्माउन सचेत समेत तुल्याएको थियो ।