ललितपुर, बैशाख २७ ।
भारोत्तोलन खेलाडी सञ्जु चौधरी मृत अवस्थामा भेटिएकी छन् । १३ औँ दक्षिण एशियाली खेलकुद ९साग० की स्वर्ण पदक विजेता सञ्जु चौधरी आज ललितपुरमा मृत अवस्थामा भेटिएकी हुन् ।

एशियाली खेलकुदको तयारीका क्रममा रहेकी सञ्जु ललितपुरको महालक्ष्मी नगरपालिका-९ लुभुमा प्रशिक्षक सञ्जय महर्जनको घरमा बस्दै आएकी थिइन् । ललितपुरका प्रहरी उपरीक्षक ९एसपी० सिद्धिविक्रम शाहले सञ्जु बिहान ५ः३० बजे मृत भेटिएको पुष्टि गरे ।

उनकाअनुसार सञ्जु सुतेको ढोका भित्रबाट चुक्कुल लगाइएको र झ्यालमा ग्रिल लगाइएको अवस्थामा भेटिएको छ । घटनाको अनुसन्धान भइरहेकाले अहिले केही भन्न नसकिने शाहले बताए । काठमाडौंमा आफन्तसँगै बस्दै आएकी सञ्जु केही समय अघिदेखि प्रशिक्षक महर्जनको घरमा बस्दै आएकी थिइन् ।

बाँके राप्ती सोनारी गाउँपालिकाकी स्थायी बासिन्दा सञ्जुले दुई वर्ष अघि स्वदेशमा भएको १३ औँ सागमा भारोत्तोलनमा स्वर्ण पदक जितेकी थिइन् । उनी एशियाली खेलकुदको तयारी गर्दै थिइन् ।