नेपालगञ्ज, माघ १५ ।
वर्तमान सरकारले यो अवस्थामा संविधान संशोधनलाई थाती राखेर भए पनि सबै दलसँग सहकार्य गरेर निर्वाचन गर्नुपर्नेमा नेकपा (एमाले)का उपाध्यक्ष युवराज ज्ञवालीले जोड दिएका छन् ।

उनले एकाध दलले निर्वाचन गर्न नमाने पनि सरकार त्यसबाट पछि हट्न नहुने बताउँदै सरकारले यथाशीघ्र स्थानीय निकायको चुनाव मिति घोषणा गर्नुपर्नेमा जोडसमेत दिए ।

प्रेस चौतारी, बाँकेद्वारा आज आयोजित एक पत्रकार सम्मेलनमा बोल्दै नेता ज्ञवालीले संविधान कार्यान्वयन सबैको साझा सवाल बन्नुपर्ने बताउँदै संविधान कार्यान्वयनका लागि विशेष गरी प्रमुख दलबीच एकता, समन्वय र सहकार्य हुनु आवश्यक रहेको बताएका छन् ।