काठमाडौं, असार ९ ।
नेपालमा पछिल्लो २४ घण्टामा ४९ जनामा कोरोना संक्रमण पुष्टि भएको छ । स्वास्थ्य मन्त्रालयले सार्वजनिक गरेको तथ्यांकअनुसार २ हजार ४ सय ९४ जनामा गरिएको परीक्षणबाट ४९ जनामा संक्रमण पुष्टि भएको हो ।

मन्त्रालयकाअनुसार १ हजार २ सय ३४ जनाको पीसीआर र १ हजार २ सय ६० जनाको एन्टिजेन परीक्षण गरिएको थियो ।

यस्तै, अहिले नेपालमा १ सय ६७ जना सक्रिय संक्रमित रहेको पनि मन्त्रालयले जनाएको छ । कोरोनाका कारण नेपालमा हालसम्म ११ हजार ९ सय ५२ जनाले ज्यान गुमाइसकेका छन् ।