काठमाडाैं, असार १५ ।
काठमाडौं उपत्यकामा हैजा संक्रमितको संख्या १४ जना पुगेको छ । उपत्यकामा पछिल्लो १३ दिनभित्र उक्त संख्यामा हैजाको संक्रमण देखिएको हो ।

स्वास्थ्य तथा जनसंख्या मन्त्रालयकाअनुसार काठमाडौं उपत्यकामा असार २ गतेदेखि आज बुधबारसम्म गरिएको परीक्षणका क्रममा १४ जनामा हैजाको संक्रमण पुष्टि भएको हो ।

मन्त्रालयकी प्रवक्ता डा. संगीता मिश्राले आरडीटी र ह्याङ्गिङ ड्रप विधिबाट परीक्षण गर्दा १४ जनामा संक्रमण पुष्टि भएको जानकारी दिएकी छन् ।

उनकाअनुसार ललितपुरमा संकलन गरिएको १८ वटा नमुनामध्ये १२ वटामा हैजा फैलाउने इकालाई जीवाणु भेटिएको छ ।हैजाबाट बच्न पानी उमालेर मात्र खान र ताजा खानेकुरा खान स्वास्थ्य मन्त्रालयले सबैलाई आग्रह गरेको छ ।