ललितपुर, असार २४ ।
ललितपुर महानगरपालिकाका प्रमुख चिरीबाबु महर्जनलाई पुनः कोरोना संक्रमण पुष्टि भएको छ ।

ललितपुर महानगरका प्रवक्ता राजु महर्जनले दिएकाे जानकारीअनुसार नगर प्रमुख महर्जनमा आज कोरोना संक्रमण पुष्टि भएको हो । प्रमुख महर्जन अहिले हाेम आइसाेलेशनमा स्वास्थ्य लाभ गरिरहनुभएको प्रवक्ता महर्जनले जानकारी दिएका छन् । महर्जनको स्वास्थ्य अवस्था सामान्य रहेकाे पनि प्रवक्ता महर्जनले बताए ।

ललितपुर महानगरपालिकाले आजै एक प्रेस विज्ञप्ति सार्वजनिक गर्दै उनको शीघ्र स्वास्थ्य लाभको कामनासमेत गरेको छ ।