काठमाडौं, श्रावण १७ ।
नेपाली राष्ट्रिय फुटबल टोलीका गोलकिपर किरण चेम्जोङ माल्दिभ्समा उत्कृष्ट गोलकिपर घोषित भएका छन् । सोमबार सम्पन्न भएको माल्दिभ्सको शीर्ष डिभिजन लिग धिवेही प्रिमियर लिगको उत्कृष्ट गोलकिपरमा किरण घोषित भएका हुन् ।

माल्दिभ्समा किरण आबद्ध माजिया स्पोट्र्स एण्ड रिक्रिएसनले यो सिजनमो उपाधि जितेको छ । किरण २०१८ को लिगमा पनि उत्कृष्ट गोलकिपर घोषित भएका थिए ।

यसैबीच, किरणले मैदानमै प्रेमिका कञ्चन निरौलालाई बिहेको प्रस्ताव गरेका छन् । मैदानमा उनको टीमले खुसियाली मनाइरहेकै बेला किरणले प्रेमिकाको हात समातेर मैदानमा लगेका थिए ।

त्यसपछि उनले औँठी लगाई दिएर बिहेको प्रस्ताव गरेका हुन् । किरण र कञ्चन विगत डेढ वर्षदेखि प्रेममा रहेका छन् ।