काठमाडौं, श्रावण १७ ।
नेपालमा गएको २४ घण्टामा ८ सय १४ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार देशभरबाट २ हजार ७ सय ६२ जनाको पीसीआर विधिबाट परीक्षण गर्दा ५ सय ९ जनामा संक्रमण पुष्टि भएको छ ।

यस्तै २ हजार ६ सय ५३ जनाको एन्टिजेन विधिबाट परीक्षण गर्दा ३ सय ५ जनामा कोरोना संक्रमण देखिएको छ । नेपालमा हाल ५ हजार १ सय ४४ जना सक्रिय संक्रमित रहेका छन् ।

त्यस्तै, गएको २४ घण्टामा थप २ सय ९९ जना कोरोना भाइरस संक्रमण मुक्त भई डिस्चार्ज भएका छन् । योसँगै नेपालमा कोरोना संक्रमण मुक्त भई डिस्चार्ज हुनेको संख्या ९ लाख ७० हजार ६ सय २५ जना पुगेको मन्त्रालयले जनाएको छ । नेपालमा संक्रमण मुक्त हुनेदर ९८ दशमलव ३ प्रतिशत रहेको छ ।