काठमाडौं, श्रावण २३ ।
नेपालमा पछिल्लो २४ घण्टामा थप ९ सय ३४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयले दिएको जानकारीअनुसार पछिल्लो २४ घण्टामा देशभर ५ हजार ३ सय ५१ जनाको परीक्षण गर्दा ९ सय ३४ जनामा कोरोना संक्रमण पुष्टि भएको हो ।

साथै, पछिल्लो २४ घण्टामा थप एक जना संक्रमितको मृत्यु भएको छ ।

स्वास्थ्य मन्त्रालयले दिएको जानकारीअनुसार २ हजार ८ सय ६२ जनाको पीसीआर परीक्षण गर्दा ४ सय ९८ जना र २ हजार ४ सय ८९ जनाको एन्टिजेन परीक्षण गर्दा ४ सय ३६ जनामा संक्रमण पुष्टि भएको हो ।

योसँगै कोरोना भाइरसको सक्रिय संक्रमितको संख्या ५ हजार ६ सय ८६ जना पुगेको छ । पछिल्लो २४ घण्टामा ४ सय ७० जना संक्रमण मुक्त भएर घर फर्केका छन् ।