काठमाडौं, भाद्र १४ ।
यसै वर्ष अस्ट्रेलियामा आयोजना हुने आईसीसी पुरुष टी–ट्वान्टी विश्वकप क्रिकेटको ट्रफी नेपाल आइपुगेको छ । विश्वकप ट्रफी विश्वको सर्वोच्च शिखर सगरमाथाको आधार शिविरमा पुर्‍याइने क्यानका जनरल म्यानेजर वृतान्त खनालले जानकारी दिएका छन् ।

उनकाअनुसार आज बिहान सगरमाथाको काखमा रहेको गोक्यो तालमा विश्वकप ट्रफी प्रदर्शनी गरिनेछ भने भोलि बुधबार बिहान भक्तपुर दरबार स्क्वायरमा ट्रफी प्रदर्शनीमा राखिने छ । क्रिकेट प्रेमीले सर्वसाधारणले पनि ट्रफी हेर्न र तस्वीर खिच्न पाउने छन् ।

‘ट्रफी टूर’अन्तर्गत विश्वकप ट्रफी नेपाल ल्याइएको हो । टी–ट्वान्टी विश्वकप ट्रफीलाई विश्वका विभिन्न मुलुकको भ्रमण गराउने क्रममा नेपाल ल्याइएको हो । टी–ट्वान्टी विश्वकप क्रिकेटको सय दिने काउन्टडाउन सुरु गर्दै ट्रफी विभिन्न मुलुकमा भ्रमण गराइएको हो । गत जुलाईमा अस्ट्रेलियाको मेलबर्नमा सय दिने काउन्टडाउनसँगै ट्रफी टूरको शुभारम्भ गरिएको थियो ।