काठमाडौं, माघ १६ ।
गएराति भएको चौथो चरणको हट्सपर कप फुटबलको पाँचौँ चरणमा चेल्सी, म्यानचेष्टर सिटी, आर्सनल र टोटन ह्याम प्रवेश गरेको छ ।

उक्त खेलमा लिग लिडर चेल्सीले ब्रेण्टफोर्डमाथी ४ विरुद्ध शून्य गोलको फराकिलो जित निकाल्दै अघिल्लो चरणमा स्थान पक्का गरेको हो ।

चेल्सीलाई जिताउन विलियन, पेड्रो रोड्रिग्वेज, ब्रानिस्लाभ इभानोभिच र मिचिले एक एक गोल गरेका थिए । त्यस्तै म्यानचेष्टर सिटीले क्रिष्टल प्यालेसलाई ३ विरुद्ध शून्य गोलले हराउँदै पाँचौँ चरणमा प्रवेश गरेको हो । सिटीले क्रिष्टललाई उसैको मैदानमा पराजित गरेको हो । सिटीको जितमा रहिम स्ट्रर्लिङ, साने र याया टुरेले समान एक एक गोल गरेका थिए ।

त्यसैगरी, थिओ वाल्कोटले ह्याट्रिकको मद्दतले आर्सनल प्रिमियर क्लब साउथ ह्याम्पटनमाथी ५ विरुद्ध शून्य गोल अन्तरले शानदार जित निकाल्न सफल भयो । आर्सनलमाथी फराकिलो जित दिलाउने क्रममा थिओ वाल्कोटले ह्याट्रिक गरे भने डयानी वेल्बेकले दुई गोल थपेका थिए । गएराति नै भएको अर्को खेलमा विकम्ब वाण्डर्रसलाई पराजित गर्दै टोटन ह्यामले पाँचौँ चरणमा स्थान पक्का गरेको हो ।

घरेलु मैदान व्हाइट हर्ट लेनमा निकै रोमाञ्चक बनेको खेलमा टोटन ह्यामले विकम्ब वाण्डर्रसलाई ४–३ गोलले पराजित गरेको हो । खेलको ८९ औँ मिनेटसम्म ३–२ गोलले पछि परे पनि अग्रता उल्टाउँदै टोटन ह्यामले जित निकाल्न सफल भयो । बर्नलेले ब्रिस्टोल सिटीलाई २ विरुद्ध शून्य गोलले, ब्ल्याकबर्न रोभर्सले ब्ल्याकपुललाई २ विरुद्ध शून्य गोलले, मिडिल्सब्रोले एक्रिंगटनलाई १ विरुद्ध शून्य गोलले तथा अक्सफोर्डले न्यूकासललाई ३ विरुद्ध शून्य गोलले हराउन सफल भएको हो ।