काठमाडाैं, भाद्र २१ ।
साफ महिला च्याम्पियनशीप फुटबलमा नेपालले सुखद् सुरुवात गरेको छ । आज बेलुकी काठमाडाैंकाे त्रिपुरेश्वरस्थित दशरथ रङ्गशालामा सम्पन्न भएको उद्घाटन खेलमा भुटानलाई ४ विरुद्ध शून्य गाेलले पराजित गर्दै नेपालले सुखद् सुरुवात गरेको हो ।

नेपालका लागि सावित्रा भण्डारी र अनिता बस्नेतले समान २–२ गोल गरेकी थिइन् । सावित्राले खेलको १२ औँ र ६८ औँ मिनेटमा गोल गर्दा अनिताले ५३ औँ र ८५ औँ मिनेटमा गोल गरेकी थिइन् ।

साेही खेलमा मिडफिल्डर दिपा शाही र फरवार्ड अमिषा कार्कीले राष्ट्रिय महिला फुटबल टीममा डेब्यु गरेकी छन् । दिपा र अमिषाले यू–१९ टोलीबाट भने खेलिसकेकी छन् ।