काठमाडाैं, असाेज ३ ।
महिला साफ च्याम्पियनशीप फुटबलको उपाधि बंगलादेशले जितेको छ । आज साँझ त्रिपुरेश्वरस्थित दशरथ रङ्गशालामा भएको खेलमा नेपाललाई ३–१ गोलले हराउँदै बंगलादेशले उपाधि उचालेको हो ।

खेलको १२ औँ मिनेटमा शामसुनाहरले गरेको गोलबाट बंगलादेशले अग्रता बनाएको थियो । खेलको ४३ औँ मिनेटमा श्रीमोती कृष्णरानीले गोल गरेर अग्रता दोब्बर बनाइन् ।

दोस्रो हाफको ७० औँ मिनेटमा नेपालबाट एक मात्र गोल अनिता बस्नेतले गरेकी थिइन् ।

हारसँगै नेपाल इतिहास रच्ने मौकाबाट चुक्न बाध्य भएको छ ।

नेपाल सेमिफाइनलमा भारतलाई १ विरुद्ध शून्य गोलले हराउँदै फाइनलमा पुगेको थियो । बंगलादेशले पनि भारतलाई हराएर फाइनलसम्मको यात्रा तय गरेको थियो । तर, बंगलादेशले भारतलाई समूह चरणमा हराएको थियो ।