काठमाडाैं, असाेज ११ ।
नेपालीहरूकाे महान् चाड बडादशैँको दोश्राे दिन आज ब्रम्हचारिणी भगवतीको पूजा गरी धूमधामसँगै मनाइँदैछ । बडादशैँअन्तर्गत आजको दिनमा देवी दुर्गाका स्वरूपमध्ये ब्रम्हचारिणी भगवतीको पूजा हुने गर्दछ ।

घटस्थापना गरेसँगै नवदुर्गाका नाै वटा रूपहरूको पूजा गर्ने परम्परा रही आएकाे छ । नवरात्रका नौ दिनमा पहिलो दिन शैलपुत्री, दोश्राे दिन ब्रम्हचारिणी, तेश्राे दिन चन्द्रघण्टा, चौथो दिन कुष्माण्डा, पाँचौँ दिन स्कन्दमाता, छैठाैँ दिन कात्यायनी, सातौँ दिन कालरात्री, आठौँ दिन महागौरी र नवौँ दिन सिद्धिदात्रीको पूजा गरी मनाइने गरिन्छ ।

दशैँको दोश्राे दिन आज देशभरीका नवदुर्गाका मन्दिर र शक्तिपीठहरूमा भक्तजनहरूको ठूलाे भीड लाग्ने गर्दछ । यसैगरी, गैँडाकोटमा रहेको मौलाकालिका मन्दिरमा पनि बिहानैदेखि भक्तजनको घुईँचो लाग्ने गर्छ ।