बलात्कारकाे आराेप लागेका क्रिकेटर सन्दीप लामिछाने १० बजे नेपाल पुग्ने

काठमाडाैं, असाेज २० ।
नेपाली क्रिकेटर सन्दीप लामिछाने आज बिहान नेपाल आइपुग्दै छन् ।
किशोरीलाई बलात्कार गरेको आरोप लागेका उनले सामाजिक सञ्जालमार्फत् आज बिहान १० बजे त्रिभुवन अन्तर्राष्ट्रिय विमानस्थल काठमाडौं आइपुग्ने जनाएका हुन् ।
‘प्रहरी अधिकारीसमक्ष आत्मसमर्पण गर्ने प्रतिबद्धता बमोजिम म बिहान १० बजे कतार एयरवेजबाट त्रिभुवन अन्तर्राष्ट्रिय विमानस्थलमा अवतरण गर्दैछु’, उनले लेखेका छन्, ‘मैले यसबारे प्रहरी अधिकारीलाई जानकारी गराइसकेको छु ।
‘ममाथि लागेको गलत आरोपविरुद्ध छिट्टै कानूनी सहयोग खोज्नेछु र न्याय पाउनेमा विश्वस्त छु ।’ उनले लेखेका छन्, ‘छिट्टै क्रिकेट मैदानमा फर्केर मेरो प्यारो देशको नाम र कीर्तिमान बनाउनेछु र छिटोभन्दा छिटो न्यायको कामना गर्दछु ।’
उनले कानूनी प्रणालीमा निर्दोष साबित भएका अभियुक्तहरूलाई क्षतिपूर्ति दिने संयन्त्रको मागसमेत गरेका छन् ।
प्रतिक्रिया