जारी स्पेनिस ला लिगाअन्तर्गत खेलमा रियल मड्रिडद्वारा सोसिडाड पराजित

काठमाडौं, माघ १७ ।
जारी रहेको स्पेनिस ला लिगाको शीर्ष स्थानको रियल मड्रिडले रियल सोसिडाडलाई ३ विरुद्ध शून्य गोलले पराजित गरेको छ ।
टेओ कोभाकिक, क्रिष्टियानो रोनाल्डो र अल्वारो मोराटाले १–१ गोल गर्दै सोसिडाडलाई पराजित गरेका हुन् । यो जितसँगै लिगमा रियल मड्रिडले चार अंकको अग्रता कायम गरेको छ । खेलमा रियल सोसिडाड १० खेलाडीमा सीमित हुन पुगेको थियो ।
रोनाल्डोले ला लिगामा यो सिजन १५ खेलमा १३ गोल गरेका छन् । ७४ औँ मिनेटमा मोराटाले गोल गरेपछि रियल मड्रिडले ३ विरुद्ध शून्य गोलको जित दर्ता गरेका हुन् । जितपछि शीर्ष स्थानको रियल मड्रिडको १९ खेलबाट ४६ अंक भएको छ । एक खेल बढी खेलेको दोश्रो र तेश्रो स्थानका बार्सिलोना र सेभिल्लाको ४२ अंक रहेको छ ।
प्रतिक्रिया