काठमाडौं, कार्तिक २ ।
नेपाल पञ्चाङ्ग निर्णायक विकास समितिले यस वर्षको यमपञ्चक अर्थात् तिहार पर्वको साइत सार्वजनिक गरेको छ । जसअनु्सार कार्तिक १० गते बिहीबार बिहान ११ बजेर ३७ मिनेटमा भाइटीकाको साइत उत्तम रहेको छ ।

यमपञ्चक कार्तिक ५ गते शनिबारदेखि सुरु हुनेछ । कार्तिक ५ गते शनिबार यमदीपदान सुरु गरिन्छ । यमपञ्चकका अवसरमा दीपदान गर्नाले यम यातना नपाइने धार्मिक विश्वास रहेको छ । धनत्रयोदशी ९धनतेरस० पर्व पनि त्यसै दिन मनाउनुपर्ने समितिका कार्यकारी निर्देशक सूर्यप्रसाद ढुङ्गेलले आज जारी गर्नुभएको विज्ञप्तिमा उल्लेख छ ।

कार्तिक ६ गते आइतबार काग तिहार ९काकबली० पर्व परेको छ । धनवन्तरी जयन्ती पनि त्यसै दिन मनाइन्छ । कार्तिक ७ गते सोमबार कुकुर तिहार पर्व मनाइन्छ । त्यसै दिन नरक चतुर्दशी अर्थात् बिहान झिसमिसेमै तेल लगाएर स्नान गरी नरक बालेर बगाइन्छ ।

यस वर्ष दीपमालिका एवं लक्ष्मी पूजा पर्व पनि कार्तिक ७ गते सोमबार नै रहेको उनले बताए । लक्ष्मी पूजाको रात्रीलाई सुखरात्री पनि भनिन्छ । कार्तिक ८ गते मङ्गलबार गाई पूजा गरिन्छ । यस दिन सूर्य ग्रहण पनि परेको छ ।

कार्तिक ९ गते बुधबार गोबर्द्धन पूजा, बलि पूजा, हलि तिहार, गोरु पूजा, आत्म पूजा ९म्ह पूजा० का साथै नेपाल सम्वतको नयाँ वर्ष आरम्भ पनि यसै दिन परेको छ । कार्तिक ९ गते बुधबारदेखि नेपाल संवत् ११४३ आरम्भ हुँदैछ ।

कार्तिक १० गते बिहीबार तिहारको मुख्य दिन हो । यस दिन दिदीबहिनीले दाजुभाईलाई टीका लगाई आशीर्वादसहित दीर्घायुको कामना गर्दछन् । नेवार समुदायले किजा पूजाका नाममा मनाउने पर्व पनि यसै दिन परेको समितिले जनाएको छ ।

यस दिन साइत खोज्नेले बिहान ११ बजेर ३७ मिनेटमा उत्तर फर्केर टीका लगाउनु उत्तम रहेको समितिले जनाएको छ । राज्य सञ्चालकले भने साइतमै टीका लगाउनुपर्ने समितिका अध्यक्ष प्रा। श्रीकृष्ण अधिकारीले बताए । सर्वसाधारणका लागि त्यस दिन दिनभर टीका लगाउनु शुभ रहेको पनि समितिले जनाएको छ ।