काठमाडाैं, कार्तिक १० ।
नेपालीहरूको दाेश्राे ठूलाे महान पर्व तिहारको अन्तिम दिन आज बिहीबार भाईटीका गरी मनाइँदै छ ।

नेपाल पञ्चाङ्ग निर्णायक विकास समितिले भाईटीकाको उत्तम साइत आज बिहान ११ बजेर ३७ मिनेटमा रहेकाे बताएको थियो ।

यतिबेला उत्तम साइत सुरु भएसँगै नेपालभर भाईटीका लगाउन थालिएको छ । मानिसहरूले सामाजिक सञ्जालमा भाईटीका लगाएको फोटो तथा भिडियाेहरू सार्वजनिक गर्न थालेका छन् ।

आजको दिन दिदीबहिनीले दाजुभाईलाई टीका लगाई आशीर्वादसहित दीर्घायुको कामनासमेत गर्ने गर्दछन् ।