भक्तपुर, कार्तिक २२ ।
नेवार समुदायकाे परिचय जति दिए पनि पुग्दैन । थरअनुसार विभिन्न संस्कृति त छँदैछ त्यसमाथि पनि नेवारहरूले मनाउने विभिन्न पर्वहरूले मानिसहरूलाई अझ बढी आकर्षित र मनमाेहक नै बनाउँछ । यसैबीच, नेवार समुदायले मनाउने विभिन्न पर्वहरूमध्ये अर्काे पर्व भनेकाे सकिमना पुन्हि अर्थात पूर्णिमा जसअन्तर्गत खाद्यवस्तुको पनि पर्व हुन्छ । याेभन्दा कतिलाई आश्चार्य पनि लाग्न सक्छ तर, आज भक्तपुरमा पिँडालुको पर्व मनाएकाे छ । यो नेवार समुदायले मात्र मनाउने पर्वमध्ये एक हुन् ।

नेपाल भाषामा सकि भनेको पिँडालु र मना भनेको उसिन्नुलाई भन्ने गरिन्छ । त्यसैले सकिमनाको अर्थ पिँडालु उसिनेर खानु हो । यस दिन विभिन्न देवतालाई चढाउने पनि गरिन्छ ।

सकिमना पूर्णिमाका दिन साँझपख मठ–मन्दिर, देवालय पीठमा विहारको चोकमा जहाँ दाफा भजन सञ्चालन भइरहेको हुन्छ । ती स्ठानहरूमा गुठी परिवार मिलेर बनाउने चलन पनि रहेकाे छ ।