काठमाडौं, माघ १७ ।
मिस युनिभर्स २०१७ को उपाधि यस पटक फ्रान्सकी २३ वर्षीया इरिस मिटेनाऐले हात पार्न सफल भएकी छन् । यस पटकको प्रतियोगितामा ८६ मुलुकका एकसे एक ब्यूटी क्वीन्सहरूले सहभागिता जनाएकी थिइन् ।

मिस युनिर्भसको ६५ औँ प्रतियोगितामा इरिसलाई सुरुदेखि नै बलियो प्रतियोगी मानिएको थियो । उनले सबैलाई आफ्नो आत्मविश्वास, सौन्दर्यता र खुबीको फ्यान बनाएकी थिइन् ।

अन्तिम चरणमा उनले प्रश्नको सामान्य मात्र जवाफ फर्काएकी थिइन् तर जब जब बिजेताको नाम घोषणा गरियो तब उनी अलमलमा परेकी थिइन् ।

प्रतियोगितामा २५ वर्षीया राकुइल पेलिसिएर फष्ट रनर अप भएकी छन् भने २३ वर्षीया मिस कोलम्बियन एण्ड्रिया टोभर रनर अप घोषित भएकी छन् ।