काठमाडाैं, माघ ४ ।
विराटनगरस्थित कोशी अस्पतालमा एक जीवित नवजात शिशुलाई मृत घोषणा गरेपछि डाक्टरमाथि कुटपिट गरिएको छ । श्वास-प्रश्वासमा समस्या भएपछि कोशी अस्पतालमा ल्याइएका १८ दिनको जीवित नवजात शिशुलाई मृत घोषणा गर्ने डाक्टरमाथि कुटपिट भएको हाे ।

मोरङको जहदा गाउँपालिका वडा नम्बर-३ भात्तिगञ्जकी उमा मुखियाको १८ दिने नवजात छोरीलाई जीवितै अवस्थामा मृत घोषणा गरेपछि आफन्तले कोशी अस्पताल विराटनगरका चिकित्सक आकाश यादवलाई कुटपिट गरेका हुन् । कुटपिटबाट यादवको टाउकोमा गम्भीर चोट लागेको छ ।

घटनापश्चात् प्रहरीले अनुसन्धानसमेत गरिने भएकाे छ ।